يا جماعة السلبية ديه حاجة وحشة جداا فى حياتنا و فعلا معظم الناس تقريبا عايشين فى سلبية .. .
عمارة مثلا..تلاقى اسنسير بايظ و زبالة مرمية و مواسير بايظة.... و تقول انت و انا مالى
الشغل...تلاقى سرقة.. حاجات غلط..ما هى الشركة ماشية بقلها 20 سنة زى ما هى كده...يعنى انا هعمل ايه ما انا عبد المأمور..
الشارع...تلاقى ناس وقفه و سده السكة و انت مسكوف تكممهم...و لما تيجى تتكلم تلاقى الناس تقولك و انت مالك انت غاوى تهزق نفسك.....
تدخل مكان .. اوضة ضيقة مثلا و واحد بيشرب سجاير و خنقك و انت مدايق و مكسوف تكلمه ...ما هو من كتر السلبية انت اخدت على كده خلاص ...
طيب والناس ليه كده...علشان كل واحد يجى يقول يعنى هو انا اللى هغير الدنيااااااا ..... بس الواحد لازم يكون إيجابى حتى لو مش هيغير الدنياااا حتى لو لوحدك ....انت هتتغير انا هشوفك بتعمل الصح مش ممكن كمان انا اتغير و يبقى بدل ما انت لوحدك ابقى انا كمان معاك...و حد تانى يبقى إيجابى و هكذا.....
هتقول حلنى بقى ولا هنتغير ولا 100 سنة .. طيب و ماله لما نفضل 100 سنة ما نحاول .. ما كله بيكمل بعضه...
حتى نمسك حاجة صغيرة و نحاول نغيرها .. نبدا وحدة وحدة . . و الله و الموضوع هتحس انه كويس و هتاخد الشجاعة ...
... كانت فيه قصة قديمة كده .... كان فى مدينة زمااان و مكنش فيها حد بيصلى و كانوا يقولى اللى بيصلى بس هما الناس الكبيرة اللى خلاص بتموت....
وكان فى هناك شاب كده صغير لسه داخل الكلية ... و جيه معاد الصلاة و عاوز يصلى ... و بيسال عن مكان يصلى فيه قالولوا تحت الارض ف ى اوضة نزلها ..لا قوة صغيرة و مبهدلة و فيها سجادة مقطعة و واحد عجوز قاعد تحت قالوا ليه مش بنصلى فوق قاله اصلهم بيتريقوا على اللى بيصلى و بيقولوا ان الناس الكبيرة العوجيزز هما بس اللى بيصلوواااا.....
اضايق و قال لا انا مصليش تحت الارض . . مطلعش يتخانق معاهم لااااا . .. طلع يبص و يشوف ايه احوال الجامعة هما ليه كده......
جيه وقت الصلاة ... وقف وسط الجامعة و اقعد يا اذن للصلاة و صلى لوحده ... و كله اتلم يتفرج عليه و يشوف بيعمل ايه. ..
تانى يوم عمل نفس الحكاية جيه واحد صلى معاه .. تالت يوم جيه كام واحد تانى عملوا صف .. جيه اليوم اللى بعده دكتور و صلى معاهم .. بدؤا يزيدوااا وحدة واحدة .... بص العميد قال منظرهم مش حضارى ..نعملهم جامع يصلوا فيه .. و هنا بقى اول جامع فى كلية .. من حاجة ايجابية صغيرة عملت حاجة كبيرة.. و سبحان الله ممكن يكون الشاب ده مات و لسه لحد انهارده بياخد حسنات على حاجة صغيرة ايجابية ...... و خلص الكلام .. و يارب نبقى ايجابيين كلناااااااااااااا
الإثنين ديسمبر 25, 2006 11:22 am